All the senior monks are on retreat prayers of Avalokiteshvara the Buddha of compassion for 1 and half months and we always dedicate and pray for you to fulfill all your wishes. SENIOR MONKS’ RETREAT Great Compassionate Lord of the World (Chenrezig Jigten Wangchuk) retreat associated with Supreme Jowo Wati Zangpo. Guthor Champ Dance Notice Annual Exam White Umbrella special prayer Dukar Torchen Gyurmey Monastery Abbot his kind visit to our monastery Given speech by Abbot, Khen Rinpoche Sopa la Special prayer floods in Vietnam Debate Hall Windows Order of Australia Meda prize Honored by Venerable, Geshe, Tashi Tsering Rinpoche Lak. Summer retreat special prayer MLA HP MANJUNATH kind visit to our monastery

Gyurmey Monastery Abbot his kind visit to our monastery

Admin    01 Dec 2020    446

འདི་ག་གྲྭ་ཚང་ལ་བཀྲིན་ཆེ་བའི་ཡོངས་ཀྱི་དགེ་བའི་བཤེས་གཉེན་ཆེན་པོ་དཔལ་ལྡན་སྨད་རྒྱུད་གྲྭ་ཚང་གི་མཁན་ཟུར་རིན་པོ་ཆེ་རྗེ་བཙུན་བློ་བཟང་དབང་འདུས་དཔལ་བཟང་པོ་མཆོག་ཉེ་ལམ་དཔལ་ལྡན་སྨད་རྒྱུད་པའི་མཁན་པོའི་མཛད་འགན་ལེགས་པར་གྲུབ་པར་འདི་ག་རྫོང་དཀར་ཆོས་སྡེའི་འདུས་མང་ནས་བཀའ་དྲིན་ལེགས་གསོལ་གྱི་འཚམས་འདྲི་ཞུ་བ་དང་འབྲེལ་འདི་ག་གྲྭ་ཚང་ནས་ཇི་ལྟར་གསོལ་འདེབས་ཞུས་པ་བཞིན་དེ་རིང་འདི་ག་རྫོང་དཀར་ཆོས་སྡེ་གྲྭ་ཚང་དུ་ཆེད་ཕེབས་ཀྱིས་འདི་གའི་སློབ་གཉེར་བ་རྣམས་ལ་བཀའ་སློབ་བཀའ་དྲིན་ཆེ་གནང་མཛད་ཡོད་པ་རེད།
དེ་ཡང་འདི་གའི་འདུས་མང་ནས་ཕེབས་བསུའི་་གསེར་སྦྲེངས་དང་བཅས་མཁན་ཟུར་རིན་པོ་ཆེ་མཆོག་གྲྭ་ཚང་དུ་ཆེད་ཕེབས་ཀྱིས་ཐོག་མར་༧རྒྱལ་བའི་སྐུ་པར་མཐོང་གྲོལ་རིན་པོ་ཆེར་མཎྜལ་རྟེན་གསུམ་འདེགས་འབུལ་དང་འབྲེལ་༧གོང་ས་མཆོག་སྐུ་ཚེ་ཡུན་དུ་བརྟན་པའི་གསོལ་འདེབས་ཞུས་ཞིང་། དེ་ནས་རྟེན་གཙོ་ཐུབ་པའི་དབང་པོའི་མདུན་དུ་སྣང་གསལ་ཞལ་ཕྱེ་དང་འབྲེལ་རྟེན་གཙོ་ཁག་ལ་གནས་གཟིགས་དང་ཐུགས་སྨོན་མཚམས་སྦྱོར་གནང་ཏེ་བཞུགས་ཁྲིར་འཁོད་མཚམས་གསོལ་ཇ་འབྲས་སིལ་འདེགས་འབུལ་དང་། འདི་གའི་འདུས་མང་ནས་བཅོམ་ལྡན་འདས་མ་རྣམ་པར་རྒྱལ་མའི་སྒོ་ནས་ཚེའི་ཆོ་ག་དང་འབྲེལ་བའི་མཁན་རིན་པོ་ཆེ་བྱམས་པ་བཟོད་པ་མཆོག་ནས་མཎྜལ་རྟེན་གསུམ་འདེགས་འབུལ་གྱིས་མཁན་ཟུར་རིན་པོ་ཆེ་མཆོག་བསྟན་འགྲོའི་དོན་དུ་སྐུ་ཚེ་ཡུན་དུ་བརྟན་པའི་གསོལ་འདེབས་བརྟན་བཞུགས་སྟབས་བདེ་ཞིག་བསྟར་འབུལ་ཞུས་ཤིང་། ༧གོང་ས་སྐྱབས་མགོན་ཆེན་པོ་མཆོག་ནས་ཕྱག་རྟགས་བསྩལ་སོན་བཞིན་རིང་མིན་དཔལ་ལྡན་སྲས་རྒྱུད་གྲྭ་ཚང་གི་མཁན་ཁྲིར་ཕེབས་འཆར་ལ་འཚམས་འདྲི་བཀྲིས་བདེ་ལེགས་གྲངས་མེད་དང་། བསྟན་འགྲོའི་མཛད་བཟང་གོང་འཕེལ་དུ་ཡོང་བའི་སྨོན་འདུན་ཞུ།
མཇུག་དུ་མཁན་ཟུར་རིན་པོ་ཆེ་མཆོག་ནས་འདི་གའི་སློབ་གཉེར་རྣམས་ལ་ཐུགས་བརྩེའི་བཀའ་སློབ་ལམ་སྟོན་ཟབ་རྒྱས་བཀའ་དྲིན་ཆེ་གནང་མཛད།
མཁན་ཟུར་རིན་པོ་ཆེ་མཆོག་ནི་འདི་གའི་སློབ་གཉེར་རྣམས་ལ་འདས་པའི་དུས་ཡུན་ཁྲོད་ལོ་མང་རིང་ཕྱག་དཔེ་སློབ་འཁྲིད་དང་རྒྱུན་པར་གང་ཅིར་ཐུགས་རྗེས་གཟིགས་པ་གནང་དང་གནང་བཞིན་པར་འདི་གའི་འདུས་མང་ཡོངས་ནས་བཀའ་དྲིན་དང་ཐུགས་རྗེ་བླ་མེད་དུ་ཆེ་ཞུ།
དེ་བཞིན་མཁན་ཟུར་རིན་པོ་མཆོག་ནས་འདུས་ཚོགས་སུ་བསྙན་བཀུར་གཟབ་འབུལ་ཞུས་པ་སོགས་ཀྱི་དྲན་རྟེནདུ།