བོད་རྒྱལ་ལོ་ ༢༡༥༠ རབ་བྱུང་ ༡༧ པའི་ཆུ་ཡོས་ལོའི་བོད་ཟླ་ ༤ ཚེས་ ༥ དང་། ཕྱི་ལོ་ ༢༠༢༣ ཟླ་ ༥ ཚེས་ ༢༤ རེས་གཟའ་ལྷག་པ་༧རྒྱལ་བའི་སྐུའི་བླ་གཟའ་དང་བསྟུན་གཟའ་སྐར་འཕྲོད་སྦྱོར་དགེ་བའི་ཉིན་འདི་ག་རྫོང་དཀར་ཆོས་སྡེ་དགའ་ལྡན་འཕེལ་རྒྱས་གླིང་གྲྭ་ཚང་གི་བཅའ་ཡིག་རིན་པོ་ཆེའི་དགོངས་དོན་བཞིན་ཁྲིམས་བདག་དགེ་སྐོས་གསར་པར་དགེ་སློང་བྱམས་པ་ངག་དབང་ལགས་དང་། དབུ་མཛད་ཆེན་མོར་དགེ་སློང་བྱམས་པ་རྒྱལ་མཚན་ལགས། དབུ་ཆུང་དུ་དགེ་སློང་ཐུབ་བསྟན་ཕྱོགས་གླང་ལགས་བཅས་ལ་སྔོན་ནས་གཏན་འཁེལ་བསྐོ་བཞག་བྱུང་དོན་ལྟར། སྔ་དྲོ་ཕྱག་ཚོད་ ༦ པ་ནས་༸སྐྱབས་རྗེ་མཁན་རིན་པོ་ཆེ་དབུ་བཞུགས་ཐོག་འདུས་མང་ཚང་འཛོམས་ཀྱི་སར་ཁྲི་འདོན་རྟེན་འབྲེལ་མཛད་སྒོ་གཟབ་རྒྱས་བསྐྱངས་གནང་མཛད་པའི་སྐུ་པར།
