On November 10, 2024, the opening ceremony for the new classroom building at Zongchoe Secondary School was held.
ཕྱི་ལོ་༢༠༢༤ ཟླ་ ༡༡ ཚེས་ ༡༠ རེས་གཟའ་ཉི་མར་འདི་ག་རྫོང་ཆོས་འབྲིང་རིམ་སློབ་གྲྭའི་འཛིན་ཁང་གསར་རྒྱག་ལེགས་གྲུབ་ཀྱི་སྒོ་དབྱེའི་རྟེན་འབྲེལ་ཞུ་བའི་མཛད་སྒོ་བསྐྱངས།
དགོན་པའི་མཁན་ལས་རྣམ་པས་མཐུན་འགྱུར་སྦྱོར་མཁན་དམིགས་བསལ་སྐུ་མགྲོན་ཨི་ཊ་ལི་ནང་པའི་མཐུན་ཚོགས་(UBI) ཀྱི་འགོ་ལས་ཚོགས་མི་ ༢༩་ལ་་ཕེབས་བསུ་ཞུས། དེ་བཞིན་སྐུ་མགྲོན་དུ་ཧོན་སུར་ས་གནས་གཞིས་འགོ་དང་། ཕྱོགས་བཞུགས་སྤྱི་འཐུས། ས་གནས་སློབ་གྲྭའི་སློབ་སྤྱི་སོགས་ཕེབས་ཡོད།
ཐོག་མར་སློབ་གྲྭའི་མདུན་ངོས་སུ་བོད་ལུགས་རླུང་བསྐྱེད་དར་ཆེན་བསྒྲེངས་ཏེ་ལྷ་རྒྱལ་འཐེན། དེ་ནས་སྒོ་རའི་རྒྱལ་སྒོར་མཆོག་གསུམ་ཤིས་བརྗོད་དང་འབྲེལ་དར་ཚོན་གཅོད་འབྲེག་དང་། ངོ་སྤྲོད་ཡིག་བྱང་ཞལ་དབྱེ། སློབ་ཁང་ལ་གཟིགས་སྐོར་རྗེས་ཐོག་བརྩེགས་གཉིས་པའི་རྫོང་ཆོས་འབྲིང་རིམ་སློབ་གྲྭའི་ཚོགས་ཁང་འདོད་རྒུ་གཡང་འཁྱིལ་དུ་འདུ་འཛོམས་ཐོག་མཛད་རིམ་ལྟར། སྣང་གསལ་ཞལ་དབྱེ། སློབ་སྤྱིའི་འཚམས་འདྲི། སློབ་གྲྭའི་ཟླ་འཕྲིན་གསར་པ་དབུ་འབྱེད། མཁན་རིན་པོ་ཆེ་དང་སྐུ་མགྲོན་གཙོ་བོས་གསུང་བཤད། སློབ་གྲྭའི་ངོས་ནས་སྐུ་མགྲོན་རྣམ་པར་ལེགས་སོའི་ཕྱག་འཁྱེར་དང་སྐྱེས་བཅས་བསྩལ་བ་སོགས་ཀྱི་པར།
