Champ Dance Cancelled Because of Covid-19/Omicron Annual yearly exam ZCM Dukkar tokgyak for two days The Great Consecration Ceremony ཆོས་རྭ་གསར་པའི་རྟེན་གཙོ། གཟུངས་སྒྲུབ་དང་གཟུངས་འབུལ། རབ་གནས། རྫོང་དཀར་ཆོས་སྡེ་གྲྭ་ཚང་། All the senior monks are on retreat prayers of Avalokiteshvara the Buddha of compassion for 1 and half months and we always dedicate and pray for you to fulfill all your wishes. SENIOR MONKS’ RETREAT Great Compassionate Lord of the World (Chenrezig Jigten Wangchuk) retreat associated with Supreme Jowo Wati Zangpo. Guthor Champ Dance Notice Annual Exam White Umbrella special prayer Dukar Torchen Gyurmey Monastery Abbot his kind visit to our monastery Given speech by Abbot, Khen Rinpoche Sopa la

Annual Exam

Admin    19 Jan 2021    634

རྫོང་ཆོས་ཆོས་ནང་བསྟན་གཙུག་ལག་སློབ་གཉེར་ཁང་གི་ཆོས་ར་གསར་པ།
༧གོང་ས་མཆོག་གི་བླ་ན་མེད་པའི་ཐུགས་རྗེ་དང་བཀའ་དྲིན་ལམ་སྟོན་འོག་འདི་ག་རྫོང་དཀར་ཆོས་སྡེ་གྲྭ་ཚང་གི་མཁན་ལས་ཟུར་དང་ལས་ཀྱི་སྣེ་མོར་གཏོགས་པ་སྐུ་བཤེགས་ཟིན་པ་རྣམས་དང་ད་སྐུ་འཚོ་བཞིན་ཡོད་པ་ཚང་མས་ཐུགས་བསྐྱེད་བཀའ་དྲིན་ལས་འདི་ག་གྲྭ་ཚང་དུ་གཞུང་ཆེན་སློབ་གཉེར་གསར་འཛུགས་དང་ཡར་རྒྱས་ཡོང་བར་འབད་བརྩོན་ལྷོད་མེད་གནང་དང་གནང་བཞིན་པ་དང་། དེ་མཚུངས་ཉེ་ལམ་ལོ་ཤས་སྔོན་ནས་མཁན་རིན་པོ་ཆེ་བྱམས་པ་བཟོད་པ་མཆོག་དང་ལས་ཀྱི་སྣེ་མོ་བ་རྣམ་པས་ཐུགས་འཁུར་ལམ་སྟོན་འོག་ཨར་པོའི་ལས་བྱེད་རྣམ་པས་ཐུགས་འཁུར་ཆེ་བསྐྱེད་ལས་ད་ལམ་སློབ་གཉེར་བའི་ཆེད་ཆོས་ཀྱི་བགྲོ་གླེང་གནང་སའི་ཆོས་ར་གསར་བཞེངས་འགོ་འཛུགས་ཞུས་པའི་ལས་གཞི་གང་མཚམས་ལེགས་བསྒྲུབས་ཟིན་ཏེ་ད་རིང་རྟེན་འབྱུང་ཤིས་བརྗོད་དང་འབྲེལ་ཆོས་ར་འདི་ནས་ལུང་རྟོགས་ཀྱི་བསྟན་པར་ཐོས་བསམ་ཉམས་བཞེས་ཀྱིས་རྒྱལ་བའི་ལུང་རྟོགས་ཀྱི་བསྟན་པ་རིན་པོ་འཛིན་སྐྱོང་སྤེལ་བའི་ཐོག་ནས་བསྟན་འགྲོའི་དོན་ཆེན་བསྒྲུབ་པའི་སྐྱེ་བོ་གང་མང་གསོ་སྐྱོང་ཐུབ་པའི་ཐུགས་སྨོན་མཚམས་སྦྱོར་དང་འབྲེལ་བའི་རྟེན་འབྱུང་གི་མཛད་སྒོ་སྟབས་བདེ་ཞིག་བསྒྲུབས།
འབྲེལ་ཡོད་དད་ལྡན་སྦྱིན་པའི་བདག་པོ་རྣམས་དང་ཨར་ལས་ཐུགས་འཁུར་བཞེས་མི་ཡོངས་ལའང་སློབ་གཉེར་བ་ཡོངས་ཀྱི་ཚབ་ཞུས་ཏེ་བཀའ་དྲིན་ཆེ་ཞུ།
མང་དུ་ཐོས་པ་རྒྱ་ཆེར་བཙལ་བས་མཁས། །
ཐོས་དོན་ཇི་བཞིན་རྒྱུད་ལ་སྦྱར་བས་བཙུན།།
ཀུན་ཀྱང་བསྟན་འགྲོའི་དོན་དུ་བསྔོ་བས་བཟང་།།
བློ་བཟང་རྒྱལ་བའི་བསྟན་པ་རྒྱས་གྱུར་ཅིག །
ལུང་ཆོས་སྡེ་སྣོད་གསུམ་གྱི་འཆད་ཉན་དང་།།
རྟོགས་པའི་བསྟན་པ་བསླབ་གསུམ་ཉམས་ལེན་ཏེ།།
མཁས་ཤིང་གྲུབ་པའི་རྣམ་ཐར་རྨད་དུ་བྱུང་། །
བློ་བཟང་རྒྱལ་བའི་བསྟན་པ་རྒྱས་གྱུར་ཅིག།
ཕྱི་རུ་ཉན་ཐོས་སྤྱོད་པས་ཞི་ཞིང་དུལ།།
ནང་དུ་རིམ་གཉིས་རྣམ་འབྱོར་གདེང་དང་ལྡན།།
མདོ་སྔགས་ལམ་བཟང་འགལ་མེད་གྲོགས་སུ་ཁྱེར།།
བློ་བཟང་རྒྱལ་བའི་བསྟན་པ་རྒྱས་གྱུར་ཅིག །
སྐྱེས་བུ་གསུམ་གྱི་ལམ་གྱི་སྲུང་མའི་གཙོ།།
མྱུར་མཛད་མགོན་དང་རྣམ་སྲས་ལས་གཤིན་སོགས།།
བསྟན་སྲུང་དམ་ཅན་རྒྱ་མཚོའི་མཐུ་སྟོབས་ཀྱིས། །
བློ་བཟང་རྒྱལ་བའི་བསྟན་པ་རྒྱས་གྱུར་ཅིག །
ཅེས་ཀྱང་སྨོན་ནི།